ఏపీ ప్రజాపద్దుల కమిటీ సభ్యుడిగా ఎమ్మెల్యే ముత్తుముల
ప్రకాశం న్యూస్‌, మార్కాపురం: ఆంధ్రప్రదేశ్‌ ప్రజాపద్దుల కమిటీ సభ్యుడిగా గిద్దలూరు నియోజకవర్గ ఎమ్మెల్యే ముత్తుముల అశోక్‌రెడ్డి ఎన్నికయ్యారు. శుక్రవారం ఆయా కమిటీలకు ఎన్నికలు జరిగాయి. ముత్తుముల అశోక్‌రెడ్డి వైకాపా నుంచి 2014లో, తెలుగుదేశం పార్టీ నుంచి 2024 ఎన్నికల్లో ఎమ్మెల్యేగా గెలుపొందారు. ఈ సందర్భంగా ఎమ్మెల్యే మత్తుముల అశోక్‌రెడ్డి మాట్లాడుతూ తనకు ప్రజాపద్దుల కమిటీ సభ్యుడిగా అవకాశం కల్పించినందుకు ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్‌ కల్యాణ్‌, స్పీకర్‌ అయ్యన్నపాత్రుడు, మంత్రి లోకేశ్‌కు ధన్యవాదాలు తెలిపారు. తనపై పెట్టిన బాధ్యతను శక్తివంచన లేకుండా కృషి చేస్తానని తెలిపారు.